Diego E. Barros
Putos mileuristas
Foi José Luís Feito o último en sair con que a avoa fuma. Para o responsable de Economía e Finanzas da patronal española a razón da actual crise que soporta o Estado é o elevado salario que perciben os traballadores españois e que, unido ó caro que resulta despedir a alguén aquí fai desto un sindiós de aquí a Nova Celandia.
O tal Feito algo debe saber no tocante a salarios xa que cobra catro: ó que percibe como responsable monetario da CEOE hai que sumar os que ingresa como presidente do lobby das autopistas españolas (ASETA), da súa homóloga europea (ASECAP) e máis do Instituto de Estudios Económicos. Un pluriempregado en toda regra que até un dubida de como fai o tipo para dispoñer de tempo e sair, o pasado martes, a dar unha conferencia de prensa para queixarse dos sacrificios aos que teñen que facer fronte os emprendedores –o de empresarios vende mal en tempos de crise--, para manter a flote as empresas e pagarlle ós empregados un salarios tan estratosféricos que cómpre recortar xa, se se quere sair da crise antes da próxima glaciación.
Polo apretado da súa axenda profesional, a súa queixa saíu o mesmo día no que se fixo público un estudo de Adecco que sitúa os salarios españois un 50% inferiores ós percibidos polos traballadores de países da contorna como Alemania, Reino Unido ou Holanda e, en xeral un 20% menos que o salario medio da UE, segundo Eurostat. Simple aritmética xustificou Feito para quen os 1.600 euros (redondeando polo baixo) de salario medio en España, segundo o INE, están na raíz de todos os nosos problemas. Son cifras “moito maiores” das percibidas en Europa. É o que ten a ditadura da aritmética. Hai veces que dous é máis que catro. Un sempre foi desconfiado coa estatística. En especial coa dos salarios. É como aquel conto de que hai sete mulleres por cada home e hai quen se pregunta quen andará con catorce por aí. Boto unha ollada ao redor e busco entre os meus xente que chegue a eses 1.500 ao mes. Vaia por diante que non coñezo a ningún controlador aéreo. Quitando funcionarios, sóbranme dedos na man e só vexo mileuristas, aquela excepción de hai anos, agora convertida en regra e que resulta que para a patronal está na orixe de todas as desgrazas. De aí que Díaz Ferrán sexa, en realidade, un visionario na procura de solución ó problema. Directamente non pagar. Claro que, ben mirado, van ser ó final os controladores aéreos os culpables da aritmétrica que tanto amola á patronal.
E nós falando dos bancos e da avaricia empresarial que creron que as vacas gordas serían eternas cando a cousa era bastante máis sinxela e a solución estaba diante dos nosos fuiciños. Putos mileuristas.
Comentarios (14)
Concordo...mesmo acrescentaria que o de "mileurista" é uma miragem para a maior parte da população galega, especialmente até os 35 anos. É MUITO DIFÍCIL encontrar nesta faixa etária, e não só, pessoas cobrando 1000 euros ou mais.
E todo isto, não o resolvia Habichuela em 45 dias?
Corrixoche Diego, polo dos funcionarios, eu son funcionaria, agora miragrosamente ando polos 1.200 netos, pero contoche que fun traballar por mil raspados, e por 750, e deso, fai un ano.
É a hostia como a dereita vai impoñendo o seu discurso a través do control que ten dos medios. Nun primeiro momento concordábase en que fora provocada polo capital, a especulación, as trapalladas dos bancos. Agora resulta que é culpa dos traballadores, dos pensionistas, que teñen a mala costume de vestirse e comer. O problema que os mesmos traballadores acaban creendo ese discurso..
Estes tipejos!!(pinche cuate en mexicano, non acho palabra axeitada en galego)coidan pola nosa parvice: como si non soubéramos de abondo -e directamente- cánto doble e máis é o salario mínimo en Franza, por pór un ex.
É que os tais emprendedores!! emprendérona con elevar ó máximo a explotación da clase traballadora e apropiarse cada vez máis de un maior cacho da riqueza que ésta prodúz, pois NIN hai resposta OPERARIA á crise PROVOCADA POLO GRAN KAPITAL (e aproveitan ó máximo o SOMETIMENTO que o sindicariado ! procurou no mundo do Traballo).
Moi certeiros os argumentos do concreto.
E o Mendez, o que afundiu a Caixa Galicia, e con ela, os aforros dos galegos... tamén da consellos... de facer cousas...
é curioso porque nos países escandinavos son trileuristas como soldo base, cun amplo e consolidade sistema de seguridade social..iso entón para os neo-liberais que é?
Ë moi popular issa frase "la pagan quienes no tienen culpa de la crisis" mas con isto desresponsabilizamos e infantilizamos a populaçom, quem tem a culpa logo? Os deuses? o a linhamento planetar?
A culpa tenhem-na os burócratas finanzistas e políticos, mas quem os elige?. A gente pode votar alternativas liberais e serias ou a dicotomia socilistas ou conservadores-populistas. Pode exigir políticas fiscais rigorosas e defesa a ultranza dos diritos civís, ou pode non faze-lo.Os que proponhem máis estado e intervençom só proponhem alimentar o ogro. má cousa
Breogán: pra eles ben há ser socialismo duro!
MIRANDA ESE SI QUE NON TEN PROBLEMAS ECONOMICOS COBROU 22.743 EUROS POR DIETAS DE TRANSPORTE OURENSE-SANTIAJO DE COMPONENDAS NAMENTRAS IA NO COCHE OFICIAL DE BALTAR, A QUEN TRAICIONOU E PASOUSE A FRIJOLES. E O XUDAS ISCARIOTE DO PP DE OURENSE.
CON ESES EUROS COBRADOS POR MIRANDA PODERIAN VIVIR MOITAS FAMILIAR OBREIRAS
FRIJOLES ESCOITA O POBO ESTA NA LOITA!!!
puto
s. m. 1. Menino, criança. 2. Filho.
pron. indef. 3. Nada, coisa nenhuma.
---------------------------
Pois é: por cima de puto, mileurista !
FUNCIONARIOS: Hai moitas clases de funcionarios. Non é o mesmo o que firma que o que está a facer os papeis, ou o que está na "ventanilla" a aturar as queixas dos cidadáns.
Dende logo, hai que ter uns collóns coma capachos para atreverse a proclamar públicamente que un dos motivos da crise son os elevados salarios do proletariado. Concordo con que hai que baixar algúns salarios, como os de directivos, presidentes e executivos que cobran cantidades blasfemas para o traballador de a pé.
E o mais triste de todo é que nestes tempos de crise, as únicas propostas para crear emprego que se escoitan sexan as de abaratar o despido e baixar os soldos. Surrealista, non si? Digno do gran Miguel Gila...
Certo case todo, menos esa opinión tan estendida como falsa de que os funcionarios e, por extensión, todos os traballadores das administracións públicas, sexan funcionarios ou non, cobramos "moito".
Certo é q
Continúo, que enviei sen querer o comentario...
Dicía que non é certo que cobremos moito, haberá quen si, pero non han de ser a maioría.
Certo é que as táboas salariais dos empregados públicos non son moi boas de entender e dentro da mesma categoría profesional poden darse diferencias salariais significativas. Pero, ollo, os auxiliares, que é a categoría máis común, andamos na Xunta polos 1000 €, arriba ou abaixo dependendo da antigüidade. Eu, que nun par de meses completarei o terceiro trienio, veño cobrando uns 1025 €.
Igual hai a quen lle parece de máis... quen sabe.
A min vaime chegando para vivir e pagar os gastos do mes, pero venme a auga aos ollos se teño un gasto imprevisto...
Con todo o demais, estou de acordo no fundamental...
Novo comentario
Se xa tes o teu nome en Vieiros, podes acceder dende aquí:
Diego Espiña Barros (Forcarei, 1979) é xornalista. É licenciado en Filoloxía pola USC e en Xornalismo pola Carlos III de Madrid e ten un master en Estudos Culturais hispánicos pola Western Michigan University. Tras o paso por varios medios galegos agora só escribe que, nos tempos que corren, non é pouco. »
Anteriores...
- O realismo faino imposible (20/01/2010)
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto