Brasil inviste 19 millóns de euros para sacar 300 mil armas das rúas
Aquel que entregue un arma recibirá entre 40 e 125 euros e a garantía de non ser procesado pola súa posesión.
Unha campaña similar conseguiu hai catro anos retirar das rúas das cidades brasileiras até 500 mil armas de fogo. Por este motivo, o goberno brasileiro decidiuse a iniciar unha nova campaña a través de publicidade en radio, televisión e xornais, coa que convida os cidadáns a desfacérense do armamento. O Ministerio de Xustiza pretende así recortar a alta taxa de asasinatos por arma de fogo que se producen no país.
A iniciativa conta cun investimento de 19 millóns de euros e vai unida ao endurecemento da lexislación sobre a posesión de armas. Así, desde o próximo mes de xaneiro, a posesión dun arma de fogo que non estea rexistrada poderá implicar castigos de até seis anos de cárcere. En 2005, os brasileiros rexeitaron en referendo que se prohibise a venda de armas. O último ano houbo máis de 30 mil mortes por arma de fogo en Brasil, un dos país con maior índice de violencia deste tipo.
Ligazóns
Comentarios (2)
Nom vou dizer que melhor era pô-las nas mãos adequadas, nas do Povo tabalhador, seria politicamente incorrecto.
Assi que melhor continuo calado.
Esta noticia é magnífica. E o primeiro que tería que lela é o encargado de GZ-EXT dedicado a Venezuela. O cal parece que está máis ocupado facendo propaganda ás políticas do goberno roboilusionario de Venezuela que denunciando os padecimientos que sofre este pobo do cal a comunidade Galega forma parte e comparte a súa realidade desde hai décadas.
Moitos preguntásense Por que digo isto? Simplemente porque o Brasil é o segundo país máis violento do mundo. Saben vostedes cal é o primeiro. ¡!BINGO!! Se señores é Venezuela. E non pense vostedes que a diferenza é pouca. Segundo a UNESCO (34,30 mortos por arma de fogo por cada 100,000 habitantes en Venezuela) e Brasil (21,72). Se señores 12,58 mortos máis por arma de fogo por cada 100.000 habitantes detenta este paraíso de xustiza ROBOILUSIONARIA cos maiores ingresos da súa historia. Non en balde somos o principal comprador de armas en América Latina e temos máis mortos nos cárceres que Brasil, Colombia e México xuntos durante un ano.
Para os que teñan dúbida. Aquí están as fontes. Antes de criticar. Sinalen se estas cifras non son certas?
http://news.bbc.co.uk/hi/spani...
http://www.laprensa.com.ni/arc...
Como explicar esa diferenza tan grande entre Venezuela e Brasil cando sabemos que a poboación venezolana é infinitamente menor e o país ten case 9 anos cos ingresos económicos máis grandes da historia o cal permitiría diminuír as diferenzas sociais e a violencia polo menos aos niveis que tiña na cuarta república.
Bo, Que se pode esperar dun individuo como Chávez quen incursiona na política Venezolana un 04 de febreiro de 1.992. Cando con nocturnidade, aleivosía e enganando á tropa utilizo as armas da nación en contra dun mal goberno elixido democraticamente. Cuxo presidente foi posteriormente destituído do seu cargo por medios xudiciais totalmente alleos ao sanguento e criminal procedemento que Chávez implemento. Destacando que o delito cometido por CAP é un furto menor diante dos crimes e corrupción do goberno do noso COMEDIANTE EN XEFE.
Grazas a deus Lula é un estadista. Un home que saíu do pobo e realizo unha carreira política desde os sindicatos. Un verdadeiro socialista democrático que sabe que a alternancia no poder é a mellor garantía que non se creasen intereses. Sabe que ten un problema e trata de resolvelo. Non empeoralo como se fai en Venezuela.
Nesta Venezuela fálase moito de Bolívar. Pero hai algúns devanditos do que non se din. Este é un deles.
“HUID DEL PAÍS DONDE UNO SOLO EJERCE TODOS LOS PODERES: ES UN PAÍS DE ESCLAVOS."
Simón Bolívar.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
GZ-Sete
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto