A falta do 10% por escrutar, o MPLA confirma a súa vitoria electoral en Angola
Os observadores internacionais consideran que as "anomalías" rexistradas non interferiron no resultado, que se fixo de "forma transparente e libre".
O lider da UNITA, Isaías Samakuva
O Movimento Popular para a Libertação de Angola (MPLA) continúa a liderar cunha vantaxe moi ampla o escrutinio nas eleccións lexislativas angolanas. Segundo a última actualización de resultados, divulgados este domingo pola Comissão Nacional Eleitoral, o MPLA conseguiría o 81,82% dos votos. Este luns ás 12.00 horas está prevista unha nova actualización.
Contabilizados o 89,21% dos votos, deica ás 17.06 horas, a UNITA (10,5%) mantense na segunda posición; séguelle o Partido de Renovação Social (PRS), co 2,95% e A Nova Democracia (1,18%) que supera á Frente Nacional de Libertação de Angola (FNLA), que obtén o 1,12% dos votos.
O presidente da UNITA, Isaías Samakuva, rexeitou aceptar a vantaxe do MPLA cando o escrutinio chegaba ao 50%, afirmando que "neste momento, non é momento para aceptar resultados provisorios". Ademais, afirmou que, en Angola, "existe o dereito á reclamación".
Neste senso, a UNITA presentou unha solicitude de impugnación na provincia de Luanda, logo de que se verificaron irregularidades.
No entanto, a misión de observadores da Comunidade dos Países de Língua Portuguesa (CPLP) considerou que o escrutinio se desenvolveu de "forma transparente e libre" e que malia as "anomalías de orixe técnica" verificadas estas non interferiron na votación.
Ligazóns
Novas relacionadas
Comentarios (7)
e logo, Toñi Vicente non foi detida??? Ou hai que agochar as vergoñas do pais?
Angola...manda carallo... onde está Quintela? Menuda desfeita que fixéstedes con Vieiros.
Coido que desta vez non vai ser como en 1992. Mais que anden vixiantes os do MPLA, porque tal e como anda o mundo ter petróleo pode ser un castigo máis que unha beizón. Confíemos en que a UNITA non faga o parvo como é de seu habitual e pande coa decisión do pobo.
!Cona, micsha, agora xa es bilingüe¡.
Si Brais é outro servo de Galicia Monolingüe e diglósica,ai radica o seu bilingüismo destes toutizos.
Sería interesante que por unha vez na vida se puidese falar doutro tema que non fose lingua. Coido eu, vaia.
Pois tamém vou falar de língua, raio!
http://br.youtube.com/watch?v=...
Diantres! micsha está cada vez máis paranoic@ co do Quintela.
A ver, se vieiros pode cambiar a súa linea editorial para non ofender os seus sentimentos patrios.
Unha linea máis acorde con: La Voz de Galicia, Faro de Vigo ou mesmo El Mundo.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
GZ-Sete
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto