Edición xeral
O Obama alemán é turco
Cem Özdemir convértese na primeira persoa de orixe estranxeira que preside un partido político en Alemaña con representación no Bundestag.
Bündnis 90/Die Grünen (Alianza 90/Os Verdes), o partido ecoloxista alemán que de 1998 a 2005 formou parte do goberno en coalición cos socialdemócratas, ten un novo presidente. Cem Özdemir, de 42 anos e pais turcos, converteuse esta fin de semana na primeira persoa de orixe estranxeira que preside unha forza política con representación parlamentaria en Alemaña.
Özdemir recibiu o 79,2% dos votos dos delegados do congreso que organizou o partido na cidade de Erfurt. Algúns no país centroeuropeo xa o comparan co presidente electo de EUA, Barack Obama, que coma el tamén destaca pola súa telexenia. Porén, os seus críticos acúsano de superficial de máis.
No seu discurso desta fin de semana diante dos compromisarios, o xa presidente de Die Grünen afirmou que o partido é unha opción real para un cambio no executivo en 2009: "Agardo que poidamos participar no goberno, porque sei que o sabemos facer mellor ca os outros". A familia de Özdemir vive dende hai máis de 40 anos en Alemaña.
Comentarios (4)
O Obama galego é de Alhariz, mais semelha extraterrestre.
Muchachos, muchachas.
E non pensades que tamén pode haber Obamas muller no noso país??
Eu sei de dúas, polo menos, que na casa bng, poderían ser excelentes candidatas dentro de 4-8 anos. Non pasarían, entón, dos 45 anos (ou aínda menos, acho), grande formación e experiencia política e profesional(non en primeirísima plana), grandes traballadoras, grande intelixencia, gande alegría, conectan co pobo, transmiten e son muitos agradables. Ademais, e en primeiro lugar: de clara ideoloxía de esquerda e cunha importante cosmovisión do mundo desde Galiza. O malo é que se dixera agora o nome, podería ser "anulada" (figurativamente, claro), polo Sr. Escuro ou por Golum (eran así os nomes destes??). Ademais, boa relación co Obama actual de Allariz que di Carlinhos.
a ver, vieiros, este titular está mal. tería que dicir "O Obama alemán é alemán". Özdemir naceu en Alemaña, criouse en Alemaña e é cidadán alemán. Os seus pais son turcos. Dicir que el é turco é tan parvo coma pór nun titular: "O novo presidente dos Estados Unidos é keniano".
a ver, vieiros, este titular está mal. tería que dicir "O Obama alemán é alemán". Özdemir naceu en Alemaña, criouse en Alemaña e é cidadán alemán. Os seus pais son turcos. Dicir que el é turco é tan parvo coma pór nun titular: "O novo presidente dos Estados Unidos é keniano".
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto