O Parlamento exixe á Federación Española que lle deixe a Gómez Noya decidir os seus patrocinadores
O deputado nacionalista Xosé Ramón Paz lembrou que o organismo deportivo ameazou ao triatleta cunha multa por exhibir a bandeira galega.
A unanimidade chegou este mércores á rúa do Hórreo, os tres grupos parlamentarios, reclamaron conxuntamente que tanto a Federación Española de Triatlón como o Consejo Superior de Deportes deixen que o ferrolán Gómez Noya decida a ubicación da publicidade da súa vestimenta de competición.
O deputado do BNG, Xosé Ramón Paz Antón, aproveitou a súa comparecencia para lembrar que a federación ameazou con sancionar o triatleta ferrolán por exhibir a bandeira galega logo de gañar unha proba internacional (tal e como revelou Vieiros o pasado mes de outubro).
No Parlamento recordouse que o triatleta está “disposto a pagar da súa conta” as viaxes ás copas do mundo para poder colocar a publicidade nos espazos reservados na vestimenta que el elixa. Esta decisión tería como excepción o Campionato de Europa, o Campionato do Mundo e nos Xogos Olímpicos, onde Gómez Noya colocaría o mono que decidise a federación.
Porén, até o momento a Federación Española negouse a mover ficha. O deputado nacionalista e a socialista María do Carme Acuña aseguraron que, se o organismo deportivo non muda a súa actitude, podería decidir non correr esas probas internacionais.
Novas relacionadas
Comentarios (8)
A federación española non quere que participe cos seus patrocinadores. Pois eu creo que Anxela Bugallo debería solicitar á federación internacional o poder participar como membro da selección galega. Por intentalo non se perde nada. :)
Esta é a sua democracia
tes boa razón pepe,ata no deporte..
Fim à censura.
Pelo galego com ortografia universal.
Na galiza é galego na norma universal e non castrapo.
No more censorship.
Galician hair with international orthography.
REKILA, supoño que todas as acusacións que fas, as poderás demostrar diante dun xuíz, non é asi??
Ao pé deste artigo foi borrado un comentario:
En Vieiros cremos que a verdade non é propiedade de ninguén, senón que se constrúe entre todos. Por iso, tamén estamos convencidos de que a participación dos lectores e lectoras engade outro valor aos contidos informativos. Pero este xogo ten as súas regras. O insulto, as descalificacións persoais e a linguaxe despectiva atrancan a comunicación libre. O diálogo establécese sobre as ideas, non sobre quen as emite. Por esta razón, eliminaremos os comentarios que non favorezan a liberdade e o razoábel intercambio de opinións. En beneficio da participación e do debate.
Novo comentario
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto