Vieiros

Grenlandia aprobou en referendo a ampliación do seu novo estatuto de autonomía, que recoñece o dereito de autodeterminación deste territorio de Dinamarca, co 75,54% dos votos, informaron esta cuarta feira as autoridades rexionais. As últimas enquisas prognosticaban un apoio ao Si por riba do 60%.

O Non obtivo o 23,57%. A consulta rexistrou unha participación de case o 72%, unha cifra superior á esperada polas autoridades electorais. O referendo, de carácter consultivo, terá que ser ratificado polos parlamentos de Nuuk e Copenhague, mais hai un acordo implícito de todas as forzas políticas para respectar o seu resultado.

• Anterior: Primeiro chanzo de Grenlandia cara á independencia de Dinamarca

• Análise: Días antes do referendo pola autodeterminación de Grenlandia, a UE move peza