Nace a plataforma Queremos galego, a prol da defensa da lingua
Integrada, nun principio, por 40 entidades sociais, aspira a impulsar unha iniciativa lexislativa popular e convocar unha manifestación nacional no outono.
Constituíuse formalmente a plataforma cidadá Queremos galego, que xurdiu recentemente dunha xuntanza de 40 entidades sociais no Museo do Pobo Galego. Entre as entidades constituíntes son A Mesa, a CIG, o BNG, Esquerda Unida, Sindicato Labrego Galego, os Comités, Galiza Nova, AS-PG, ADEGA, a Asociación de Escritores en Lingua Galega, a Coordinadora de Traballadoras/es de Normalización Lingüística, as fundacións Castelao e Pedrón de Ouro, ademais de persoas a título individual.
A plataforma bota a andar para desenvolver unha Iniciativa lexislativa popular que garanta os dereitos lingüísticos do pobo galego e para convocar unha gran mobilización nacional en Compostela no outono. Ambas iniciativas presentaranse ao comezo do curso escolar, en setembro.
Entre tanto, "continuarán afortalando e alargando" a súa estrutura, mediante un "traballo social intenso" para que entidades e persoas se unan a un "espazo común" para quen estea a responder "á agresiva e regresiva política lingüística do goberno do Partido Popular".
Queremos galego, á que prevén unirse máis persoas e entidades "nun breve prazo", nace nun momento caracterizado "polos profundos e continuos ataques que está a padecer a nosa cultura". De feito, as súas tres premisas básicas son: que a lingua galega é patrimonio e ferramenta de comunicación do pobo galego, e as institucións públicas deben protexela e promocionala; a normalización lingüística debe ser progresiva, polo que as institucións públoicas non deben desprotexer o galego nin reducir a súa presenza. En terceiro lugar, apuntan que os acordos asinados por unanimidade, só poden ser substituídos por acordos nos que a unanimidade siga sendo o criterio. Nese sentido, recordan, logrouse no seu momento un consenso decisivo que está no fixado no Plan xeral de normalización da lingua galega, aprobado no Parlamento en 2004, e na Carta europea das linguas rexionais ou minoritarias, ratificado por unanimidade polo Congreso en 2001.
Comentarios (33)
Mais uma vez "A Mesa" impediu uma unidade na defesa do galego que abrange-se também os reintegracionistas. Repetem o que fizeram com a manifestação de 17 de maio.
Parabéns a canta iniciativa se presente a prol dos dereitos lingüísticos (e tamén nacionais)do noso Pobo. É precisa a nosa unión en iniciativas plurais. Saúde
Máis unha, máis unha, máis unha!!!!!
Sería importante que organización como CCOO e UXT, PSOE, tamén se unirán. Despolitizar o idioma e non capitalizar a rendabilidade política sería moi importante.
Sobre os reintegracionistas nada que dicir, seguen non seu ¡MUNDO FELIZ!
Qué foi das moitísimas que se presentaron no primeiro día e xa se descolgaron da iniciativa? E da ducia que se descolgou á meia hora da segunda sesión?
E nada ten a ver con elo o máis qsue predecible control das hostes bng no asunto? O nacimento fíxose ben dificil DESDE DENTRO!!.
(A última frase da notícia está mal). Bom, agora cumpre olhar para avante. Na próxima reuniom de “zona” defenderei que é ridículo convocar “umha” manifestação mais. Semelha que nom se decatam da situação. Cumpre promover um escalonamento de movilizaçons: primeiro nas paróquias, logo nos concelhos e/ou nas vilas comarcais. Tem de partir de TODA a naçom. Mais claro, isto exige ganhas, força, generosidade, determinaçom. (Se alguém alega que teria mais “impacto mediático” umha “grande” manifestação etc., etc., diria-lhe que repetira mais umha vez a mesma frase. Por nom fazer sangue).
olangullo, dis que sería importante ter a CCOO, UXT e Psoe nesa plataforma e ao mesmo tempo exclúes aos reintegracionistas despectivamente. E lo non te decatas que tes máis a ver na defensa con estes que con aqueles? Os primeiros, por outra banda, non están porque saben que isto está cociñado por quen está cociñado, dende o nome até as accións pasando pola organización. Contan as crónicas que as dúas primeiras sesións de Queremos galego farían pasar vergoña allea a calquera cun pouco de sentido común.
Pero cantas iniciativas van xa??? Viva o minifundismo!!
a min xa me desanima un pouco tanta iniciativa solta,e como di 8,minifundista.
ata o de agora firmei(porque estaba disposta a firmar calquera iniciativa a prol do gagego sen poñerme quisqquillosa)o manifesto da mesa, o da coordinadora endl,o do galego patrimonio da humanidade,o da hexemonía social do galego...........e non sei se algo máis.
pero xa me estou fartando de ter a firma esparexida por mil sitios,que por egoísmo,ou falla de humildade ,ou o que sexa ,non son quen de concordar,nun momento de emerxencia nacional.
para colmo acabo de ver no meu correo que si quero contribuír económicamente nunha desas iniciativas;non é por non contribuír,pero faríao se fose a algo máis xeral,se esto se unifica un pouco;parece de tolos;vamos ter que contribuír en 10 cousas distintas?
e inda me falta saber que é iso de prolingua!!!!!!!!!!!!!!!!!!
e aquí algúns veña a tirar so do seu carro e contra os outros
vamos ,que me estou queimando con tanto egoísmo(e sei que non son a única)
Plataformas, manifestos, dias da língua... "e la nave va"
O que está a conseguir o BNG-Mesa? Pois que os patriotas que, ainda em desacordo com muitas das suas políticas e decisons, apoiara-nos sempre por patriotismo unitarista, rematem por cansar-se e deixem de dar o seu generoso apoio.
O BNG vai de mal em pior, e as eleiçons municipais som dentro de ano e médio. Auguro nova caída em votos e, facilmente, a perda de várias cidades, ou das 7, em favor do PP, além doutras praças fortes.
Considero dum país terceiro mundista que, ante uma situaçom de tal gravidade como a que sofre a nossa língua, se criem média dúzia de pseudo-plataformas todas encaminhadas a um mesmo fim, mas separadas por mero protagonismo egoísta e controlador.
As bases, a maioria dos galegos e galegas, estamos desejosos de apoiar uma iniciativa. O problema é que sai um manifesto, e como bons patriotas, assinamos. Mas logo sai outro, e também assinamos, como bem dixo #9 luaminguante. Mas é que nom podemos estar assim sempre, necessitamos é duma grande plataforma, única, horizontal, in-dependente, apartidária e na que todas as sensibilidades sumemos esforços por uma causa comum, a língua galega.
Se os que têm que chegar a estas conclusons nom chegam ou nom querem chegar, tampouco vou ser eu o que siga a romper-se à cabeça. Seguiremos à deriva, como sempre, mentres os que eternamente parece que se vam fragmentar entre boinas e birretes seguem a governar-nos, porque sabem unir-se quando têm que fazê-lo.
Diz #1 que a "Mesa" repetiu o da manifestação do 17 de maio, e tem razão. Mas eu digo que repetiu e repete o que leva fazendo desde a sua constituição há já bastantes anos.
Mas hoje já não é possível (como era antes) a marginalização do reintegracionismo. Hoje somos cada vez mais visíveis. Hoje o projeto isolacionista (espaÑol) está no fundo do poço, de onde nunca deveu sair.
Assinem os que ainda não o fizeram pela hegemonia social do galego, já muitos declarados isolacionistas assinaram: http://www.peticao.com.pt/hege...
Deixadevos de identificar isolacionismo con españolismo e reintegracionismo con independentismos porque vai ser que non...
Agradecería aos axentes sociais deste país, que se puxeran dacordo para protexeren o idioma, porque o que fai un número esaxerabel de iniciativas é non facer nada.
Compre consenso co PSdeG, que polo de agora respeita o idioma, hai que camiñar xuntos para amosarlle a istes acomplexados do PPdeG que a sociedade non quere retroceder en materia de lingua a ditadura de Franco.
Consenso e sentidiño, pero parece que hai excesivos nervos.
concordo totalmente con 11 e 13
quero ser un apoio firme,quero defender o iidoma con toda a miña forza
por deus,que alguén poña unha soa corda da que tiremos todos xuntos!!!!!!!!!!!!!!TODOS!!!!!!!!!!!!!!!!ou mellor quedo a sufrir na casa,porque xa non sei de onde tirar
Caros/as:
As assinaturas, manifestações, manifestos...estão bem porque mantêm algo a visivilidade social, a tensão dialéctica...mas realmente não servem praticamente para nada, sejam reintegracionistas ou isolacionistas, tanto tem. Porque todas essas iniciativas "pedem", "solicitam", "exigem" que o galego seja a língua prioritária/dominante/única/hegemónica/paritária....o que quisserdes...e isso não funciona. As línguas impõem-se, e pronto. Nunca uma língua se extendeu, se tornou hegemónica por consenso, por "buen rollito". O castelhano esmagou o galego da mão do reino castelhano e depois do estado espanhol; o galego esmagou o latim da mão da burguesia mercantil e da nobreça quando atingiram mais poder político e económico que a Igreja; o latim esmagara as línguas célticas da mão das legiões romanas, as línguas célticas....
Aqui o que cumpre fazer é que a burguesia galega fale galego, e que o galego seja a língua do poder. Como em Catalunha. Quando Amancio Ortega, o fulano de Pescanova, os directivos locais da Citroen, os médicos do Sergas, a diretora de pessoal de El Corte Inglés, os notários de Pontevedra, e as farmaceuticas da Corunha falem galego, a população em massa voltará a falar galego, vamos, perderá o cú por falar galego. Ora, hoje, pretender que o povo veja o galego como algo mais do que uma "fala queridinha" de andar por casa é pedir demasiado: se não convencemos a nossa própria classe social e aos de classes superiores (económica e políticamente falando, é claro), como vamos convencer a esses? Rim de nos.
"Aqui o que cumpre fazer é que a burguesia galega fale galego, e que o galego seja a língua do poder"
Homem, o segundo sim, mas nom a meio do primeiro: eu optaria mais por tirar-lhe o poder a essa gente, empoderar-nos nós e que o galego seja a língua do poder :)
Nom entendo tanta clarividência para ver que o galego só estará normalizado quando for necessário mas tanta cegueira para ver que as classes dirigentes, a burguesia na Galiza, que nom galega; nom vai fazer nada polo galego e que só o usará quando os obriguemos. Ou é que também vamos fazer-lhe um abaixo-assinado a "EL Corte Inglés" para que use o galego?
E respeito a esta plataforma, o de sempre: os que podem integrar, actuam com o seitarismo acostumado (e nom falo de todo o nacionalismo integrado no BNG, entenda-se-me), e forçam a tudo quisque, dentro do nacionalismo maioritário e além, a viver em tensom entre a necessidade imperiosa e absoluta de unidade de acçom -baixo uns mínimos- neste tema, por puro patriotismo, e a frustraçom de fazer(mos) de comparsas...
>>Entre as entidades constituíntes son A Mesa, a CIG, o BNG, Esquerda Unida, Sindicato Labrego Galego, os Comités, Galiza Nova, AS-PG, ADEGA, a Asociación de Escritores en Lingua Galega, a Coordinadora de Traballadoras/es de Normalización Lingüística, as fundacións Castelao e Pedrón de Ouro [...] <<
Superplural!!! :P
Alguén pensa que calquera iniciativa a prol da lingua encabezada pola Mesa (Callón), CIG (Anxo Louzao) ou BNG (Bieito, ou calquera ventrílucuo de Paco Rodríguez) vai a algures? É máis do mesmo, o de sempre: a Mesa con outro nome.
Alén diso, esta é unha plataforma de chiringuitos da UPG (Salvo EU e SLG), onde está o pluralismo? Sexamos serios, se realmente quixeran promover o galego deixarían que a sociedade civil organizada estivese presente (que hai vida máis alá do comite central!), e eles o único que queren é controlar, encabezar, que ninguén se engane. Así non se vai a ningures. Isto será un absoluto fracaso, se non ao tempo.
Cómpren menos leiras sectarias e máis apertura para unha defensa eficaz do galego. Espero que iso vaia agromando pouco e pouco polo ben do noso idioma. Mentres, como dicía o colega de arriba: SUPER-SUPER-MEGA-EXTRA-PLURAL!
Con independencia da opinión que nos mereza esta plataforma, entendo que a existencia de unha pluralidade de iniciativas a prol do galego é reflexo da pluralidade social a antes que debilitar, serve para fortalecer o obxectivo común, como defende Galiciacapitalbraga penso que máis que un gran acto deberíase espallar a defensa do galego por cada vila e cidade acotío, cá mesma teimosía, cá que eles o atacan. A converxencia entre todos na defensa do mesmo virá da experiencia na loita, do respecto as distintas posturas e sen protagonismos nin sectarismos. Non nos desanimemos, a sociedade bule, tódalas iniciativas, a súa dispersión, son reflexo da forza vital da nosa loita, xa chegara a unidade, si esperamos agora unha única plataforma uniforme e disciplinada probablemente estamos pedindo o mesmo que criticamos.
Estes da U é que non descansan, chico... Veña a montar plataformas cos que ninguén traga. Un "Nunca Máis" pola língua xa!!!
SOBRE O CONTRIBUTO ECONÓMICO PARA O MANIFESTO POLA HEGEMONIA SOCIAL DO GALEGO
Prezada luaminguante #9, dizes:
"para colmo acabo de ver no meu correo que si quero contribuír económicamente nunha desas iniciativas".
Não sabemos se apoiaste o Manifesto pola Hegemonia Social do Galego. Mas, caso que te refiras a esta iniciativa, com efeito, nós pedimos o apoio económico das pessoas assinantes. Deixa-nos explicar por que:
O Manifesto foi publicado ontem 23 de julho no Xornal de Galicia, numa página e meia, como "Publicidade". Isto tem um custo muito alto, que foi coberto por um pequeno grupo de pessoas. Podemos assegurar que, economicamente, isto poderia ficar assim, e não pedir a colaboração de 1000 pessoas. Seria o mais fácil logisticamente. Assim se fazem muitas cousas neste país: sem implicação coletiva. Mas O MANIFESTO POLA HEGEMONIA SOCIAL DO GALEGO E DE TOD@S @S ASSINANTES. Os seus nomes, o seu compromisso com o Manifesto está escrito e publicado. E há gente que expressou a vontade de contribuir. NÃO SERIA JUSTO pola nossa parte NÃO PERMITIR que o Manifesto fosse pagado também por todas aquelas pessoas que, VOLUNTARIAMENTE, querem contribuir.
Portanto, não se trata duma questão de dinheiro, mas de colaboração e participação.
Esperamos ter explicado a nossa posição.
A assembleia continua!,
Manifesto Pola Hegemonia Social do Galego
http://hegemoniasocialdogalego...
suso (#15), quanta razom num par de parágrafos.
21
non me entedestes ben:si firmei;e paréceme ben que se repartan as cargas:o problema é que firmei unhas cantas cousas máis,porque o que me interesa é o galego,sexa cunha norma,con outra ,todos son repectables no meu punto de vista;e claro que poñería cartos,pero cartos que vaian aprol de todos ,do galego,non pra so unha das leiras ,pequena coma todas as outras
se eu son capaz de entender que non é o momento de discutir certas cousas porque o enmigo é grande ,esperaba que todas as miñas sinaturas acabaran xuntas nalgún sitio,pero xa o vexo difícil.
insisto:nada en contra de que contribúa aquel que pense que ese,e únicamente ese é o seu manifesto
eu estou pola concentración parcelaria(tan difícil na galiza)
Aparece hoje uma entrevista ao senhor Bieito Lobeira em Xornal.com, onde se ressalta o feito de Lobeira ter sido um dos artífices da plataforma Nunca Máis. (http://www.xornal.com/artigo/2...
Na mesma entrevista salientam que "O nacionalismo foi o encargado de unir a moitas e diferentes correntes no Nunca Máis. Non cre que agora debería facer o mesmo?" ao que Lobeira responde "Si, iso estamos intentado con todo tipo de entidades e organizacións, sociais, políticas, culturais e de todo tipo aínda que non sexan de adscrición nacionalistas, loxicamente."
Está claro que agora necessitamos uma plataforma unitária ao estilo de Nunca Máis, mas coa língua. Todos coincidimos nessa necessidade, incluso os que têm o poder para fazê-lo realidade (Bieito Lobeira). Por tanto eu pergunto-me, que falta entom?
Se todos temos essa vontade, por quê caralho nom se cria já duma vez uma plataforma onde estejamos todos, onde se vejam as cabeças visíveis da cultura, da empresa, da política etc. que estam a favor duma maior potenciaçom da nossa língua?
O BNG está a fazer as cousas mui mal. E hoje o jornal La Voz já dá um aviso num dos seus inquéritos de Sondaxe: o BNG está num ridículo 6,9% em intençom de voto, e o mais importante, só o 59% dos que votaram BNG o 1 de Março repetiria, o que demonstra o grande malestar no seu eleitorado.
http://www.lavozdegalicia.es/g...
Isto tem que cambiar, e a soluçom nom vai vir dum determinado partido. A soluçom vem de todos nós, da massa crítica, da sociedade civil, essa maioria de galegos e galegas que, sem estar comprometidos de forma directa com nenguma estrutura política concreta, querem o melhor para a sua Pátria.
Que prime o interesse geral, o interesse de todos.
21
se pareceu un ataque ,disculpade;aprezo a todo o que taballe pola lingua
#26 Caro/a, colaborar, assinando e avalando e fazendo parte da protesa é algo "obrigado". Pagar por que se publicite é completamente voluntário. Tal como se indicava no correio.
O mais importante é o primeiro.
Por sairnos da típica onda de comentarios sobre U, BNG, persoas concretas, imos introducir un tema máis importante.
Realmente o motivo de que o mundo do reintegracionismo non estea presente na plataforma non é ningunha desas cousas, ao meu entender. Hai un motivo moito máis fondo e que a min me deixou bastante máis preocupado cando escoitei as argumentacións en ambas asembleas.
O mundo do reintegracionismo alí representado manifestou que non era obxecto de reivindicación a derrogación do decreto no ensino ou a reforma da función pública ou o Plano de Normalización Lingüística. As asociacións da esfera do BNG ou independentes que alí quedaron si consideran logros defendibles estes que eu citei.
Así pois, parece que non hai moita base para o acordo, agás os retóricos chamamentos á unidade que fixeron (fixemos) uns e outros.
Cachorro #28,
Desculpa-me, mas "o mundo do reintegracionismo" é variado: tão variado, polo menos, como "o mundo do isolacionismo". Está a ver-se. Nem num lugar nem no outro são tod@s @s que estão, nem estão tod@s @s que são. O teu próprio enquadramento, porém, revela um escoramento sobre o que constitui a "normalidade": para ti, a gente "distinta" merece a etiqueta "o mundo do reintegracionismo". Mas não che é essa a realidade. Por exemplo, nos locais sociais. Aí, simplesmente, a gente faz cousas pola língua, e resulta que as fai desde ESSA concepção da língua. Podes chamá-lo "reintegracionismo" (neste país parece que para fazer cousas e que os outros saibam que fazes cousas, há que "chamar-se" e chamar os outros dalguma maneira). Eu também o chamo às vezes assim. Mas prefiro chamá-lo galeguismo, ativismo linguístico.
Quanto às plataformas, o que estamos a ver, parece-me, é que a gente corrente (a preocupada pola língua, claro) está a perceber uma certa SATURAÇÃO DA INSTITUCIONALIZAÇÃO. Está um pouco cansa de iniciativas "desde as alturas". Uma plataforma unitária pola língua não se monta apenas convocando (ou auto-convocando) associações e organizações, sejam estas 20 ou 100, e mais "quem quiser a título individual". É muito mais do que isso: deve ser algo horizontal, com certo grau de auto-gestão local e também de caos, unida em torno a uma ideia forte central que articule todo o tipo de atividades em favor da língua: um SELO, uma assinatura.
Eu não estivem nas reuniões entre organizações. Mas essa, mais ou menos, era a proposta de alguns setores para a manife do 17 de maio: assumamos tod@s uma IDEIA FORTE comum, e coloquemo-la como título ou subtítulo de ações mais ou menos coordenadas ou mais ou menos autónomas. Isso é um movimento social, cívico. Pretender a homogeneidade é absurdo. Mas não foi possível então, e parece que agora tampouco. Será que as "condições objetivas" não permitem exatamente isso.
Por isso, a variedade de iniciativas é resultado do anterior. Poderão converger os setores? Depende dos objetivos. Se o objetivo de uma dada plataforma é uma Iniciativa Legislativa Popular, bom, gente muito variada poderá assinar isso. Se o objetivo é uma "grande concentração nacional", o seu sucesso em termos de cifras dependerá dos termos da convocatória. Por exemplo: Uma "Manifestación polo Bilingüismo" poderia convocar centenas de milhares de pessoas ;-). Então? Fazemo-la? ;-) . Um Manifesto, porém, tem uma função distinta: contribuir para reunir vontades, que depois se podem expressar em ações muito diferentes. Num Manifesto, ninguém pede lealdade a ninguém além desse texto. Apenas, reconhece-se que as pessoas que o assinam subscrevem basicamente ESSAS palavras, o qual, dada a situação do país, É MUITO. Por isso eu, pessoalmente, não assino qualquer cousa ;-). Outras pessoas julgam que o que importa é o número, e assinam manifestos mutuamente contraditórios ;-). Bom, estão no seu direito. Mas o que fica, afinal, é a firmeza do convencimento do que assinaste, porque só este convencimento é o que faz, num dado momento, optar mola mobilização em lugar da contemplação do teu nome numa página web ou num papel.
Saúde!
Efectivamente o mundo do reintegracionismo é amplo e variado. É xusto indicar que non todos os reintegracionistas marcharon da reunión.
Con respecto ao tema do movemento social sobre a lingua, na miña opinión pode dicirse que xa o hai ou que é imposible. En certa medida xa hai un movemento social pola lingua: hai un montón de iniciativas, asociacións, actos, actividades, etc que se preocupan por defender o uso da lingua. Desde puntos de vista moi distintos. Se queremos un movemento social, xa o temos. Se cando falamos de movemento social entendemos algunha forma de organización conxunta, entón eu creo que non se dan as premisas para que a teñamos. Non hai base de acción común e hai modelos de defensa moi, moi distintos.
Por outra parte, por qué botarlle sempre a culpa ao BNG? Na reunión de constitución da plataforma estaba claro que había coordinación entre as asociacións vencelladas ao Bloque e as que acodían vencelladas a outra sensibilidade. Bastou a orde do speaker para que marcharan. Podese ver falta de xenerosidade ou vantaxismo por calquera lado, non?
Há "modelos de defensa" da língua é há modelos EM FAVOR da língua. Há um fenómeno comunicativo chamado "pessimismo interaccional". Consiste, por exemplo, em pedir algo no sentido negativo: "Não terias os apontamentos para emprestar-me, não?". Há um correlato deste pessimismo interaccional em certas iniciativas em torno da língua: "Não nos dariam um pouco de galego, não?". E resulta que se dão no variado mundo do isolacionismo. Eu aí, sem garantias de "normalización progresiva", como diz a Mesa, não entro. Já se vê esse caráter "progresivo" com este modelo de "normalización".
É tremendo que alguém que utiliza um nome tão ilustre como o do Langulho nao queira saber nada da unidade com os reintegracionistas, sendo partidário da máxima unidade. Os reintegracionistas estamos dispostos a deixarmos de lado as nossas diferenças para lutarmos juntos contra o inimigo comum que não é outro que o(s) inimigo(s) da nossa língua. Alguns devem considerar que temos a lepra.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto