Portugal legaliza o matrimonio homosexual, mais sen dereito de adopción
O proxecto de lei, aprobado en Consello de Ministros, será sometido a votación en xaneiro e contará coa maioría de esquerdas como garantía.
Portugal acaba de sumarse a un aínda reducido listado de países que xa incorporaron o matrimonio entre persoas do mesmo sexo nas súas lexislacións. Logo de Holanda (2000), Bélxica (2003), o Estado Español (2005), Canadá (2005), Suráfrica (2006), Noruega (2008) e Suecia (2009), o goberno portugués deu luz verde aio proxecto de lei que permitirá o matrimonio civil de homosexuais.
Con todo, o documento non inclúe a posibilidade de adoptar por parte das parellas do mesmo xeito. Aínda máis, o Consello de Ministros aprobou unha disposición legal para denegar explicitamente este dereito aos gais. A proposta para a legalización deste tipo de unións partiu do Partido Socialista (PS), quen argumentou, non obstante, que a adopción non se incluíu no proxecto porque non formaba parte do programa electoral.
A favor e en contra
Cando a proposta de lei do goberno socialista chega até a Asemblea da República, contará previsibelmente co apoio de toda a esquerda, que integran o Partido Comunista (PCP) e o Bloco de Esquerda (BE), ademais do Partido Socialista (PS). Este último conta con 97 dos 230 deputados da Asemblea e sacará adiante a lei cos 31 que suman os comunistas e os do Bloco, únicos partidarios abertamente de dar dereito de adopción ás parellas homosexuais.
Pola contra, o principal partido da oposición, o Partido Social Demócrata (PSD) e mailo democristiano (CDS-PP), con 81 e 21 deputados respectivamente, votarán previsibelmente en contra. A futura lei deberá ser sancionada tamén polo presidente da República, o conservador Aníbal Cavaco Silva (antigo líder do PSD), quen podería atrasar a norma, pedir modificacións e mesmo sometela ao ditame do Tribunal Constitucional, xa que algunhas voces do ámbito conservador aseguran que esta mudanza legal iría contra a propia Constitución portuguesa.
Cambio de opinión?
Hai que subliñar que o mesmo PS rexeitou na pasada lexislatura aprobar unha reforma semellante, cando contaba coa maioría absoluta. Dous proxectos de lei que contemplaban legalizar o matrimonio homosexual presentados polo Bloco de Esquerda e Os Verdes non saíron adiante ante a negativa do partido de Sócrates. Daquela, o primeiro ministro xustificou a decisión asegurando que había outras prioridades na axenda política. Porén, achacóuselle entón falta de valentía ante a proximidade dos comicios electorais.
Pola súa parte, os colectivos de defensa dos homosexuais felicítanse da medida mais lamentan que non incorpore o dereito á adopción. A Asociación da Gays, Lesbianas e Bisexuais (ILGA) cualificou a proposta de "histórica" e subliñou que "pon fin á discriminación do acceso ao matrimonio". Mais o movemento Panteras Rosas considerou "covarde" a medida por non contribuír á igualdade en todos os eidos e recordan que a imposibilidade de adopción non ten precedente ningún en outros países que aprobaron unha lexislación semellante.
Máis información:
- Código Civil vai ter um novo articulado para impedir adopção por casais homossexuais (Público)
- Bancada socialista dividida na recusa de adopção (Diario de Notícias)
- Não é certo que BE vote a favor de casamento "gay" (Jornal de Notícias)
Comentarios (11)
Noraboa, máis a adopción é un dereito ao que non deben renunciar, pois sería como admitir que os homsexuais teñen algunha tara que lles impide educar a un fillo. Puto mundo de merda cheo de cinismo barato...
Pouco a pouco semella que todo vai mudando...
Noraboa!!
#1 Coincido.
Ademais, não sei como é a regulação portuguesa na matéria, mas se permite a adopção de pessoas solteiras como aqui, vai resultar que uma pessoa casada não pode adoptar por razão de orientação sexual exteriorizada no matrimónio com uma pessoa do mesmo sexo, entanto sim o poderia fazer se estiver solteira.
Ademais as mulheres casadas poderão ter crianças próprias mas não adoptá-las. E, por sua vez, pelo facto de ser mulheres, poderão ter crianças próprias mas os homens não.
Ademais, tanto homens como mulheres podem casar com pessoas de distinto sexo, ou também estando solteiros, terem crianças. Ou adopta-las. E depois casarem com uma pessoa do mesmo sexo e criarem as suas nenas e nenos, mas não adoptarem mais.
É um disparate discriminatório produto duma ideologia ultra-católica e, por conseguinte, ultra conservadora e contrária a igualdade de direitos e ao respeito da dignidade das pessoas.
O que é contrário a Constituição portuguesa, se é que é interpretável conforme ao TEDH, é a disposição que denega explicitamente o direito de adopção as pessoas homosexuais. Ademais duma infâmia e uma vergonha em termos de sociedade.
É apenas uma etapa "necessária" numa sociedade hipócrita, quando os que se opõem ao casamento já o tiverem engulido, seguir-se-á a adopção. A não-verticalidade dos políticos e a sociedade onde se inserem assim o "obriga". Vai é demorar mais tempo ...
medida intèligente e ajeitada,bèm por portugal,amosa sensatez
O Presidente (de direita) veio agora dar a entender que vetará a lei ...
Non sei que ten que ver a dereita con ilegalizar a adopción. Preconceutos. Algúns falan por falar.
En Alemaña, os membros do partido liberal (de centro dereita) están dacordo con isto. De feito o seu lider é homosexual. Hai que mudar o chip "progre" da cabeza que di dereita= igrexa; porque non sempre é así. En España e Portugal pode que sí, porque alí son atrasados.
Eu teño as miñas reservas morais, e habería que meter un exame psicolóxico para a adopción, o mesmo que teñen que fan agora as parellas heteros que traen os nenos de Etiopía. As adopcións teñen que ser moi ríxidas. Pero eso sí: igual regulamento para as parellas heteros e homosexuais. Eu non digo de facer diferenzas neses exames psicolóxicos.
O que está claro é que os que non acaden madureza, non poden adoptar fillos.
Eu non lle daría un fillo aos que andan de festa. Hai dous tipos de gay: os que amosa a tele (festeiro e militante), e logo outro máis normal e discreto sen complexo de inferioridade e sen necesidade de amosar nen facer "shows". A tele quere que pensemos que os homosexuais son todos festeiros e promiscuos porque venden escándalo e falcatrúas. E aí está o erro.
Eu teño as miñas conviccións que non poden influir nas necesidades do país. Eu penso que sempre é mellor a familia tradicional, pero se unha parella quere e está comprmetida a formar e facer medrar un rapaz que o necesite, non vexo problema anque sexan homosexuais os integrantes da mesma.
Eu ben sei que Deus sempre gratifica os actos de caridade moral.
A ti sim que te haveria que 'meter' uma análise picológica.
Tu não lhe tens de dar nada a ninguém. Sobretudo, não lhe tens de dar os teus (tristes) valores a ninguém. Cada quem já tem os seus e não precisa, nem dos teus, nem duns aprovados pelo estado.
Parabéns aos colegas portugueses!!!!
Nestas nosas sociedades ultraconservadoras, algo vai mudando nas mentes. lenta, mais inexorablemente.
A ti Deus deixa-te usar «preconceutivos»? Não emprenhes filhos, hom!, não seja o diabo que saia algum gay-festeiro-militante.
Pensa que tendo-te a ti de pai haveria grandes possibilidades de se tornar ateio comunista. Só por pura repulsão à tua pessoa.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto