Rinôçérôse, Second, Mutenrohi e Anxo Lorenzo: queixo para todos os gustos en Arzúa
De aquí nun mes e á porta da primavera, a Festa do Queixo será outra vez cita grande para a gastronomía e o lecer musical.
Bandullos a fartar e pernas a canfurnear os días 5, 6 e 7 de marzo nas terras da Ulloa. Desde o Concello de Arzúa chega nova do programa musical da que será a edición 35ª da cita gastronómica que iniciou andadura aló por 1975: a Festa do Queixo.
O rock híbrido e disque esquizofónico dos franceses de Rinocerose será momento estelar na noite do sábado nas terras da Arzúa. Canda eles e o mesmo día actuarán os murcianos Second. E logo da solta de decibelios sabatina, o festival folk do domingo 7 trae da parte de Ourense a Mutenrohi e do Morrazo a Anxo Lorenzo.
Ademais, por segundo ano consecutivo, a exaltación das consolidadas talladas do queixo da Arzúa-Ulloa irá acompañada tamén dunha oportunidade para as novas propostas musicais coa nova edición do "Queixo Maketón", reservado para os grupos máis descoñecidos. E coma sempre, a festa irá acompañada os tres días dunha intensa programación de actividades artísticas e culturais que se presentará integramente en rolda de prensa nos próximos días.
Comentarios (5)
Bo cartel! Vémonos en Arzúa!!
O sábado haberá, coma nos últimos anos, música pra "pijos" que van de alternativos.
E.................En MUTENROHI sigue o flamante,ou "flambeante" director do agadic "sr FASERO"???????.................pois xa non vou,noxo me dá este pavo
O peor cartel en moooooitos anos.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto