Vieiros

O presidente Uribe, quen chegou tarde á cita produciu unha discusión acalorada e case fóra de si cando interrompendo ao presidente Chávez mentres este explicaba como o comercio entre ambos Estados multiplicouse por oito desde a súa chegada á presidencia en 1999 cando os intercambios ascenderon a 1.600 millóns de dólares (1.185 millóns de euros) fronte aos 7.900 millóns de dólares ( 5.851 millóns de euros) de 2008, foi nese intre cando Uribe interveu de xeito alporizado comparando o bloqueo de Estados Unidos sobre Cuba co trato comercial dispensado por Venezuela ás empresas colombianas.

Uribe continuou interrompendo ao presidente venezuelano, no momento que defendía a súa postura, polo que Chávez pediulle que lle deixase rematar a súa intervención e ao verse imposibilitado de lograr a calma do presidente colombiano o presidente venezuelano dixolle "Vete p'al carajo ".

Outras fontes que asistiron ao almorzo explicaron que o presidente cubano, Raúl Castro, que asiste á súa primeira xuntanza do Grupo de Río, tivo que mediar entre os presidentes colombiano e venezuelano para pór fin á discusión.

Uribe foi o derradeiro presidente en chegar a Playa de la Carmen, balneario do caribe mexicano, onde se incorporou ás sesións unha vez que estas empezaran, asistiu á foto oficial e posteriormente ao almorzo ofrecido polo mandatario mexicano, Felipe Calderón.

Cómpre lembrar que por volume a fronteira colombo-venezuelana é a fronteira con maior volume de negocios, medido en dólares estadounidenses, de toda América do Sur.