Xosé Blanco, en galego, defende o uso de todas as linguas oficiais no Senado
A Mesa felicítao e ínstao a que o ministerio o utilice con normalidade en Galiza. Por outra banda, o BNG recrimina o López Chaves que teime en usar o castelán no Hórreo.
O ministro de Palas, Xosé Blanco
O ministro de Fomento, Xosé Blanco, pronunciou esta cuarta feira unhas palabras en galego ante o pleno do Senado para deixar clara a súa defensa do uso de todas as linguas oficiais na Cámara Alta ao parlamentario Miquel Bofill, que comezara a formularlle unha pregunta en catalán.
Bofill, senador de Entesa Catalana de Progrés, expresara a súa confianza en que o titular de Fomento, e o presidente do goberno español, José Luis Rodríguez Zapatero, acepten que no Senado se poidan "usar con normalidade e naturalidade as linguas oficiais das Comunidades" nas sesións de control ao Executivo.
Antes de responder en castelán ás inquietudes de Bofill sobre as obras de desdobramento da N-II na provincia de Girona (Cataluña), Blanco comezou a súa intervención en galego para proclamar: "Eu tamén son dos que defendo que nesta Cámara se poida falar algún día en galego".
Ao respecto, A Mesa pola Normalización Lingüística felicitou o de Palas de Rei e instouno a que o seu ministerio o utilice con normalidade en Galiza. "Agardamos que este xesto se traslade a unha presenza normal do galego na Administración Xeral do Estado en Galiza, onde case todo está aínda por facer para o noso idioma", sinalou o seu presidente, Carlos Callón.
"Sería importante simbolicamente que o galego se puidese falar no Senado e no Congreso, mais é moitísimo máis importante que se garanta o dereito cidadán a recibir información e atención en galego no Ministerio de Fomento, que lamentabelmente continúa a actuar como se Galiza non tivese idioma propio", engadiu.
López Chaves teima en falar castelán
Por outra banda, a intervención en castelán do deputado do PPdeG Ignacio López Chaves tamén esta cuarta feira no pleno da Cámara provocou a protesta desde as bancadas do BNG.
Durante os dez minutos que falou, os deputados nacionalistas ergueron carteis coa proposición non de lei aprobada por unanimidade a pasada semana e que instaba os altos cargos da Xunta a "facer uso público, tanto oral como escrito" do galego no desempeño da súa responsabilidade pública.
Comentarios (8)
Aparte de que importa umha merda para a normalizaçom da língua, se nom se falam línguas distintas ao espanhol no chiringuito esse é porque os espanholistas como Pepinho nom querem
Estes espadas do PP son do mellorcinho!! Non ven que non todolos seus votantes son exaltadores do españolismo castelá ou galeguiños con complexo de inferioridade.
o sr "contra las imposiciones" di umhas palavrinhas em galego , tarde piaches
O lopez chaves, é unha dos bífidos mais noxentos, vomitivos,repugnantes e filho de pputa que endexamais vim na minha vida.Este home é a ultradereita franquista madrilenha em estado puro...e que nom tem nim media ostia.
apertas
A modo, não nos emocionemos... que o Pepinho se limitou a dizer uma frase em galego ao começo da sua intervenção. Fijo-o como recurso dialéctico, para dizer "vê? não me pode recriminar nada, por mim não será". Mas dizer "defendo que nesta Cámara se poida falar algún día en galego", com esse "algum dia" tão oportunamente colocado, não compromete a nada. E a mim um fulano que vai falar castelão a Valdeorras não me parece moi de fiar nas suas pretensões "galeguistas"...
Não sejais mal pensados, que se aproximam umas eleições... se com Tosar funciona, por que não vai ele, outro grande ator, fazer teatro linguístico uns segundos?
PS: Que temos memória senhor Pepino, se antes de saltar a Madri não falava (e andou muito tempo pelo parlamentinho autonómico) que o fez falar agora?
Cuanta puta y yo que viejo.
Que duro é viver nestes tempo de demagoxia e política barata. Onde o oportunismo politico e as ansias do sofismo dominam a escena.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto