Vieiros

O Ministerio de Relacións Exteriores venezuelano informa que desde o Estado español realizan acusacións inaceptábeis, de natureza e motivación política sobre o Goberno venezuelano sen aclarar que a causa do auto de procesamento "é un cidadán que reside en Venezuela desde o mes de maio de 1989, como produto dos acordos entre os daquela presidentes Carlos Andrés Pérez por Venezuela e Felipe González polo Estado español".

Comunicado

O Goberno da República Bolivariana de Venezuela tivo coñecemento, por vía de prensa, do auto de procesamento emitido por un xuíz español, no que se fan sinalamentos inacepábeis, de natureza e motivación política, sobre o goberno venezolano.

No mencionado auto, faise referencia a un cidadán que reside en Venezuela desde o mes de maio de 1989, debido a acordos entre os daquela presidentes Carlos Andrés Pérez e Felipe González.

Sorprende que en ningún momento se mencione o nome dos autores deste acordo, mentres que o xuíz se toma a molestia de referirse reiteradamente e de xeito irrespectuoso ao presidente dos venezuelanos, Hugo Chávez, facendo sinalamentos tan tendenciosos como infundados acerca do goberno bolivariano.

A totalidade dos cuestionamentos formulados por este xuíz, son produto da utilización de arquivos contidos no computador supostamente incautado a Raúl Reyes, durante a operación militar que implicou o bombardeo ilegal do territorio ecuatoriano e durante o cal foron masacradas deceas de persoas. Resulta tamén abraiante que o xuíz resucite a desgastada farsa do computador, que xa pasou a formar parte do folclore político colombiano.

O ministro de Relacións Exteriores da República Bolivariana de Venezuela, en carta dirixida ao ministro de Relacións Exteriores do Reino de España, lembroulle o acordo de 1989 polo que o cidadán en cuestión reside en Venezuela a petición do Estado español, rexeitando os sinalamentos infames deste xuíz español e reiterando o profundo apego aos valores democráticos e humanistas que caracteriza ao goberno revolucionario bolivariano de Venezuela.