Vieiros

Esta apartado está regulado pola actual Lei de protección de animais domésticos de Galicia, que establece a obrigatoriedade de que sexan os concellos os competentes para recoller os animais abandonados, con independencia de que neste concello, exista un centro de recollida. A norma di que as administracións locais concertarán convenios coa Xunta de Galicia e con entidades autorizadas para a protección e defensa dos animais.

Ademais, mediante esta nova denuncia ao concello de Verín, Amigos da Terra solicita que se dea unha solución para unha cadela de caza abandonada e localizada na parroquia de Santa María de Ábedes. Debe comprobarse se o animal dispón de microchip para saber se o seu propietario cumpriu cos deberes legais. Se a cadela non leva tal dispositivo "estaríamos ante a presenza dun dobre incumprimento da lei de protección dos animais e da lei de caza de Galicia", denuncian os ecoloxistas.

Neste caso, son os veciños os que están a alimentar á cadela, xa que o concello de Verín lles anuncia que non ten competencia para xestionar a situación. Namentres, os animais deambulan polas vilas, o que carrexa consecuencias nefastas, tanto para os propios animais como para a poboación, polo risco de infeccións e mordeduras pondo en perigo a saúde pública e pola alta probabilidade de que se provoquen accidentes de tráfico nas rúas da vila.