Vieiros

Vieiros de meu Perfil


Edición xeral

RSS de Edición xeral
CÚLPAO DE ACTUAR POR “IGNORANCIA E AMBICIÓN”

O alcalde popular de Muras acusa a Aznar de ser un “criminal de guerra”

O rexedor chairego, que é de orixe siria, arremete contra o ex presidente español por ter apoiado a guerra de Iraq.

Redacción - 13:39 21/03/2007
Tags:
Ubicación de Muras

Ubicación de Muras

Isaam Algnam Azam, alcalde no municipio lugués de Muras polo Partido Popular, acusou este mércores a Aznar de ser un “criminal de guerra” por ter apoiado hai catro anos a ocupación militar de Iraq. O edil conservador non ten reparos en afirmar que o seu ex xefe de partido a nivel estatal participou da operación por “ignorancia e a ambicion de quererse facer grande ao lado do presidente dos Estados Unidos”.

Segundo recolle Europa Press, o rexedor non ten dúbida de que hai unha clara responsabilidade dos tres presidentes da foto dos azores (Bush, Blair e Aznar”. Isaam Algman considera que a ocupación militar de Iraq debe rematar canto antes.

Alcalde dun municipio que non chega aos mil habitantes

Isaam Algnam é alcalde de Muras, un municipio da Terra Chá que non chega aos 1.000 habitantes. Este médico, de orixe siria, vive no concello dende hai 18 anos. Gañou as eleccións presentándose polo PP e é un vello amigo do ex presidente Manuel Fraga. Aínda así, a súa militancia política nunca lle impediu posicionarse contra a guerra en Iraq.


4.38/5 (16 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: